Posts

Showing posts from January, 2013

अराजक सपना..

=============================
प्यारो चित्रकार ,
मेरो सरीरका अंग अंगबाट
लैजाउ एलानी रंगहरु
जात,धर्म,नश्ल र भाषाको
मेरो मस्तिस्कभरि कोचिएका
सिमानाको नशा र संकीर्णताको
धर्मको अहंकार र नस्ल विभेदको 
आधुनिक मान्छे हुनुको
नाङ्गो अभिमानको ....!!!
म पसारिने छु रंग दानी भएर
तिम्रो क्यानभाष अगाडी
मात्र एउटा चित्र कोर यो धर्तीको
जहा मान्छे उड्न सकुन पखेटा फैलाएर
सीमाहीन आकाशमा चरा उडे जस्तै
म प्राग एतिहासिक यायबर जस्तै
घुम्न चाहन्छु यो पृथ्वीका
हरेक अध्यारा कुनाहरु
हरेक उज्याला गल्लि हरु !
++++++++++++++++++++++++++++